अंधार फार झाला

थोडा उजेड ठेवा अंधार फार झाला
पणती जपून ठेवा  अंधार फार झाला

आले चहु दिशांनी तुफान विस्मृतीचे
नाती जपून ठेवा अंधार फार झाला

काळ्या ढगात वीज आहे पुन्हा टपून
घरटी जपून ठेवा अंधार फार झाला

हे गोठतील श्वास शिशिरातल्या हिमात
ह्रदये जपून ठेवा अंधार फार झाला

वणव्यात वास्तवाच्या होईल राख त्यांची
स्वप्ने जपून ठेवा अंधार फार झाला

हे  वाटतील परके आपुलेच श्वास आता
हातात हात ठेवा अंधार फार झाला

शोधात कस्तुरीच्या आहेत पारधी हे
हरणे जपून ठेवा अंधार फार झाला


बाजार हा फुलांचा येथे फुलेच विकती
कलिका जपून ठेवा अंधार फार झाला

ह्रदयात पाळलेल्या जखमातुनीच आता
कंदील एक लावा अंधार फार झाला

~  हिमांशू कुलकर्णी
(संग्रह " बाभूळवन " मधून  धारा प्रकाशन -औरंगाबाद )

23 comments

  1. ही टिप्पणी लेखकाना हलविली आहे.

    उत्तर द्याहटवा

  2. I like your poems very nice keep writing more poems
    you can go through my site for hindi poems hope you will like it
    https://poembysanjayt.blogspot.com

    उत्तर द्याहटवा
  3. ही टिप्पणी लेखकाना हलविली आहे.

    उत्तर द्याहटवा
  4. Very very important information sir thanks for sharing such a great informationinformation in Marathi

    उत्तर द्याहटवा