चला रे चला, आली होळी
परंपरा ही मराठ-मोळी
गोळा होऊन होलिकोत्सव
करु साजरा सण पेटवू होळी

होलिका माता छान नेसवा
पाचोळा, गोवऱ्यांनी सजवा
नवयुग होळीचा संदेश नवा
झाडे लावा व झाडे जगवा

अग्निदेवतां करूनी पुजा
द्या टाकून त्यात मनाचा गुंता
करु होमहवन सर्व दु:खांचा
विसरु साऱ्या अडचणी चिंता

नैवद्य पुरणपोळी, देऊ हाळि
होळी रे होळी, पुरणाची पोळी
नैराश्याची बांधूनी मोळी
करु आनंदें साजरी होळी

घेऊन रंगांची पिचकारी
बघा बुवा ती आली टोळी
खालची आळी वरची आळी
रंगपंचमी खेळू भाबडी-भोळी

उधळूनी सारे सप्तरंग
बेभान करी मदमस्त भांग
रंगून नाचून होऊन झिंग
जो तो होई भिजण्यात दंग

मिळू द्या एकमेकांची साथ
खेळू करु रंगाची बरसात
होळी आली नटून सवरून
करू तीचे स्वागत जोश्यात

✍🏻प्रकाश सखाराम केळकर