जाता जाता आठवण म्हणून
डोळ्यांत अश्रू तू देऊन गेलास
माझ्या मनाला माझ्यापासूनच
परकं करून गेलास
रुसले हे मन माझे
माझाशी आज बोलत नाही
तू न माझा राहिलास
हे त्या वेड्याला पटत नाही
कितीही समजावले तरी
माझे तो मानतच नाही
तुझ्याच विचारात राहतो
माझे दु:ख त्याला कळतच नाही
वेडं हे मन माझे
तुझी वाट पाहणं सोडत नाही
तू परत कधीच येणार नाही
कदाचित त्याच्या मनालाही हे पटत नाही
0 comments:
टिप्पणी पोस्ट करा