खरे सांग ना रे तुझ्या मनात काय आहे !
रात्रीत दडलेली पहाट आहे की
मुठीत दडविलेली इवलिशी अत्तराची कुपी आहे
सांग ना रे मनात काय आहे............
मी म्हणाले हो तर तू नाही म्हणतोस
मी नाही म्हंटले की तू हो म्हणतोस
आपले एकाच गोष्टीवर एकमत केव्हा होणार आहे
सांग ना रे मनात तुझ्या काय आहे............
एकदा म्हणतोस तू माझी सर्वात चांगली
मैत्रिण आहेस
एकदा असे म्हणतोस की माला अशी हवी जिच्याशी
साता जन्माच्या गाठी बांधेन
सांग ना रे तुझ्या मनात काय आहे.............
कधी माझ्याकडे पाहून गोड हसतोस
तर कधी लटक्या रागाने पहातोस
सांग ना रे आशा वेळी तुझ्या मनात काय नक्की काय असतं.....
राग तर तुझ्या कायम नाकावर असतो
अणि गंमत म्हणजे हसुही कायम ओठावर असतं
पटकन चिडून रागवल्यावर sorry पण लगेच म्हणायचे असतं
सांग ना रे आशा वेळी तुला नक्की काय म्हणायचे असते.......
सांग ना रे तुझ्या मनात आशा वेळी काय असतं.....

बाबा, आठवतं का तुम्हाला....?
लहानपणी शाळेच्या पहिल्या दिवशी
तुम्ही अन् आई आला होतात ....
मी रडत होते शाळेत न जाण्यासाठी
आईचाही जीव कळवळला होता
मला असं एकटं सोडायला .....
अशी एकमेकांपासून दूर जायची
ती पहिलीच वेळ -- तुमचीही अन् माझीही.....
पण तुम्ही निश्चल होतात...
राकट सह्यांद्रीसारखे...
आईला समजावत होते तुम्ही
"गाड़ी रुळावर आणायची आहे ना ?
धीर ठेव..अगं आपलीच कळी ती
फुलायची आहे अजून....."
आईही मग गप्प बसली
काहीतरी समजल्यासारखी.....
अन् मग घरी येऊन गप्प बसलात..
काहीतरी विचार करत...माझी बाहुली गोंजारत ...
तुम्ही शांत होतात अगदी शीतल चांदण्यासारखे
पण...आसवांचा पूर आला होता बेफाम नदीप्रमाणे
तुमचंही मन झालं होतं......हळवं,निरागस .....
अगदी...... अगदी माझ्यासारखं......